圖：B哥為醒獅點睛
鍾鎮濤（B哥）昨以愛心大使身分，為「第16屆國際嬰兒、兒童用品博覽」擔任主禮嘉賓，並趁機遊覽了一陣，他否認是為女兒鍾懿買玩具，事實上女兒剛度過四歲生日，還有很多禮物也未拆開。B哥又謂今年刻意不為女兒搞大型生日派對，將費用捐出來做善事，日內他還會與女兒一起參演一個賑災騷，為四川災民籌款。
澄清私接工作報道
最近有報道指B哥私下接工作，以致觸怒BMA老闆羅傑承。對此，B哥表示今次只是新同事沒經驗，放料給周刊炒作而已，現在公司已開過會，亦已處理妥當，實屬小事一樁。對於被指私下接工作，B哥道：「溫拿嘅嘢向來唔關公司事，只係新同事唔清楚。（是否不再續約？）難說啦！不過唔關今次事，羅生方面亦冇問題，我哋一向好和平，將來佢有需要我都樂意幫忙。（會否再找經理人？）我覺得搵經理人應該要對佢好有信心，但未有信得過的人選，我還有一team人可以幫手，唔一定要簽經理人，不過現在有公司傾緊，但我唔急囉！」
與羅傑承是好朋友
B哥續稱公司在年初已換了三個經理人，由於每個人的做法都不同，所以需要給新同事適應期，問他是否覺得羅傑承因太多工作而無法兼顧BMA的事？他連忙道：「絕對冇咁嘅事，羅生貴人事忙，雖然係少咗聯絡，但大家係好朋友，可以繼續相約打BAND。」至於他會否索性自組經理人公司？他道：「再講啦！唔排除。」由於他還有兩個月才約滿，所以之前簽的騷都會繼續做，他打趣笑道：「除非雪藏我，但我熱情如火，冇咁易雪到我！」另外，今晚奧運開幕，B哥將與家人留在家中欣賞這百年一遇的盛事。
